شخبطة قلم وحبة ريش
.....................
عشت حياتي انا وحدي
حابس انا نفسي جوايا
ضاع العمر انا مني
بقول للعمر كده كفاية
كفاية اللي تسرق مني
كفاية الدنيا تظلمني
كفاية دمع انا حبسه
لحد ما اشتكى مني
حبايبي اهلي خلاني
خلاص رجعت انا تاني
فاتح ليكوا انا قلبي
مادد ليكوا احضاني
تعالوا في حضني دفوني
تعالوا لحزني نسوني
تعالوا واشتروا مني
داعمري اتسرق مني
تعالوا والحقوا خيري
بكرة خلاص يطير طيري
حيبقى منه كام ريشة
هايمة ما بين طنجة او بيشة
خدوهم وارسموا بيهم
فجر لبكرة مستني
ساعتها وان كنت انا غايب
اكيد انا حبقى متهني
يحيى حسين
، 14 ديسمبر 2018
ردحذفالشاعر القدير / يحيى حسين
حقاً كفاك يأس وحزن وهم
أفتح للدنيا قلبك وأبتسم
ستجدها في أجمل صوره
شاعرنا القدير
ما أجمل أن نخرج
ما في صدورنا على الأوراق
حتى يهدا القلب ويرتاح
أتمنى لك دائماً
حياة أجمل وسعادة أفضل
صديقي العزيز
بريشة الإبداع كنت أنت هنا
وكنا معك بالمتابعة والرد
كن دائماً متفائل لنسعد معك
راااااااائع إحساسك
سلمت شاعرنا القدير
دمت بتألق
وبكل رقة وإحساس
تحيتي لك
خالد العطار