صدقيني
مدرجة في Blogger مرئية لمحركات البحث
تم التسجيل والتوثيق على blogger برقم 1851 بتاريخ 8 / 11 / 2019 م
·……..
صدقيني
عشان بحبك.. بقولك اكرهيني
ورغم روحي جوا منك
وانت ِروحك حته مني.. مش هتلاقيني
ماانتي عارفه اد ايه بعدك بيوجع
ولما اللي غايب عنك تاني يرجع
هتنسيني ….صدقينى
اما انا مستحيل يجف دمع عيني
انتي حبيتِ حبي ليكي.. لكن انا ماليش وجود
ولما شوفتي خوفي عليكي
نهر فايض ملهوش حدود
احتميتي جوا منه…
وركبتي شراعك تعبريه
مش عشان توصليلي..
لكن عشان تشوفي غيري فيه
حياتك راجعه تاني..
وحضنك غيري هيسكنه
وانا اللي ياما سهرت باحلامي
وانت بتهربي وبتوجعي وبتألمي وبترفضي
عندك حق.. انتي وحدك مسكنه
حاجات كتير وعدتيني بيها
قوليلي كام مرة صدقتي فيها
اما انتي لو تؤمري… الامر كان
ولو طلبتي العمر…. العمر هان
ولو شاورتي من غير كلام
علي اي فرحة…
بعت روحي واشتريها
بلاش تحزني في يوم عليا
او تنزل دمعة منك
خلي وجعك ..خلي جرحك.. خلي المك
خلي حزنك كله ليا
… خليهولي اشيله عنك
صدقيني هطمن عليكي لكن من بعيد
ماانا شايفك من هنا
شايف ضحكتك ..شايف ملامحك
اللي مزروعة جوايا عيد
لكن لازم تعرفي.. ان انا مش اناني
بس عارف حدودي فين وعارف مكاني
عارف اني بموت في قربك
وهموت اكتر في بعدك
عشان كده بقولك اكرهيني
الحكاية عندي ان حبك مستحيل يموت
رغم انك هناك واخداكي مني البيوت
معقولة فيه حد غيري هيلمس شفايفك
معقولة هفضل كده.. شايفك ومش شايفك
مش جنون والله ياعمري
اني اطلب منك تكرهيني
لكن الجنون.. ادور عليكي وانت بتكلميني
وانت بتضحكي ويا روحي
وانت نايمة جوا عيني
صدقيني بطلبها تاني عشان اموت
وعارف بعد موتي..
حبك جوايا مش ممكن يموت
لكن ليا طلب منك اخير
لو مر طيفي بيكي في منام
ماترديش حتي السلام
ماانت عارفه قبل مني
لو سمعت صوتك كأني
لسه بيتولد جوايا الكلام
وتلاقينى من جديد بقول بحبك…
ولما القي تانى هجرك
والقى صدك والقى غدرك
ارجع واقولك …هو دا طبعك
وياريتك تكرهيني
صدقينى عشان بحبك
بقولك اكرهينى
بقلم .. أسامه فؤاد
من شخابيط إحساس ٢٠١٥
تم التوثيق بـ عشاق الكلمة لتوثيق القصائد والخواطر
ردحذفبرقم 1851 بتاريخ 8 / 11 / 2019 م
https://www.facebook.com/oshaq.elkelmaa/
تم التسجيل والتوثيق بموقعنا بـ المدونة الإلكترونية هنا بـ blogger ..
ردحذفبرقم 1851 بتاريخ 8 / 11 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
مدرجة في Blogger. مرئية لمحركات البحث
شكراً لتعاونكم معنا ..
خالد العطار
ردحذفالشاعر القدير / Osama Fouad
نكتب كثيراً في من نهواهم
وتعشق قلوبنا هواهم
فهي كلمات تسكن بداخلنا
وتنطق بها قلوبنا
نقطف بها من زماننا لحظات للحب
نطعمها بالمشاعر
نتقنها لنعرف كيف نسقيها
من نبع قلوبنا
حتى ترتوي من ظمأ أشواقنا
وحتى تصبح كل النساء أمام عيوننا
أميرات
لحبنا ولأحلامنا وخيالنا
لكن عندما يكون هذا الحب
في موقع الاختيار
والاختيار ما بين
هذا الحب وكرامة الرجل وكبريائه
هنا يصبح الرجل بل كل الرجال
فرسان يحملون فوق أعناقهم
رجولتهم وكبريائهم
وعدم الأنحناء
حتى إن كانوا يسكنون قلوبنا
أخي وصديقي الغالي
شهيد الغرام المحمل بالكبرياء
الشاعر القدير / Osama Fouad
دائماً تسعدني همساتك
وكلماتك الرقيقة التي تخاطب
الروح والمشاعر
فازداد لحروفك عشقاً
فأنت دائما وكما عاهدتك تحمل بقلبك
الأحساس الأجمل والأروع
راقتني جداً كلماتك
وسعدتُ جداً بـ المرور الثاني
فلا تحرمنا من هذا
التواجد المميز
تحيتي لك
خالد العطار