موت ياقلبي
مدرجة في Blogger مرئية لمحركات البحث
تم التسجيل والتوثيق على blogger برقم 1841 بتاريخ 7 / 11 / 2019 م
..............................
موت ياقلبي واندفن جوه الضلوع
رد بابك واقفله واطفي الشموع
دى الحياة صبحت عذاب
والهنا أصبح سراب
مش باقى منه فى دنيتى غير الدموع
موت ياقلبي واندفن جوه الضلوع
رد باب القلب عيش عمرك وحيد
بطلت احن لاى حب
يجرى تانى فى الوريد
بطلت احن لاى قلب
وأحب تانى من جديد
وان قابلت الحب مره
خلي بالك الف مره والف مره
أصل الحياة بالحب لحظة
بتبقى حلوة
لكن فى ثانيه ولحظه تانيه
بتبقي مره
وتسيب جراح من بعدها
فى القلب جوه
واااه ياقلبي
من اللى عدى واللى راح
موت ياقلبي
خدت ايه غير الجراح
موت واوعي تنسي ابدا
النهايه غير البدايه
ومن كتر قلبى ما انجرح
نسى الفرح
ومعتش فيه مكان براح
لكن بيصفى لاى ظلم
ومهما شاف منه الألم
بيقول سماح
وان لقيت الحب مرة
خلي بالك الف مرة
دى الحياة بالحب لحظة
بتبقى حلوة
لكن مع الأيام ياقلبي
بتبقي مرة
عارفه يا قلبى انك بتحلم
طول حياتك
الحب فيها تقابله مره
لكن نصيبك انك تقاسى
والقسوه صعبه وغربه مره
موت ياقلبي
ولسه ايه فى العمر جى
موت ياقلبي
وياما شفت وانت ميت وانت حي
وان لقيت الحب مرة ليا جى
خلي بالك الف مرة والف مرة
الحياه بالحب لحظة بتبقى حلوة
لكن مع الايام ياقلبي بتبقي مره
بقلم ..
حنان امين
Hanan Amin Lashin
تم التوثيق بـ عشاق الكلمة لتوثيق القصائد والخواطر
ردحذفبرقم 1841 بتاريخ 7 / 11 / 2019 م
https://www.facebook.com/oshaq.elkelmaa/
تم التسجيل والتوثيق بموقعنا بـ المدونة الإلكترونية هنا بـ blogger ..
ردحذفبرقم 1841 بتاريخ 7 / 11 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
مدرجة في Blogger. مرئية لمحركات البحث
شكراً لتعاونكم معنا ..
خالد العطار
الشاعرة القديرة / Hanan Amin Lashin
ردحذفبشموخ وعزه
وكرامة المرآة
كانت سطور كلماتكِ
بما تحمل من قسوة
على وضع نهاية قلب
أو نهاية حب
وفراق أحباب
لكن هل هذه ستكون النهاية
ولن يخوض هذا القلب
أي تجارب أخرى
وهل سنقيم يوم للعزاء
مع أرتداء ملابس الحداد
من أجل نهاية هذا الحب
وهل من السهل أن نلقي
بأجمل اللحظات التي نتعايشها
إلى مفارق الطريق
على ما أظن صعب جداً
مهما كان يبقى الحب
وتبقى الذكرى
بحلوها ومرها
عالقة بـ الأزهان
وسيبقى القلب ينبض
طالما تواجدت الحياة
ولا يمكن أن
تنسينا الأيام
من أحببناهم
ولن يموت القلب
إلا بفناء الحياة
الشاعرة القديرة / Hanan Amin Lashin
كلماتكِ فاقت الروعه
بكل ما تحملُ من معني
وقلمكِ خط حروف
في منتهى الرقى
أحسنتِ
وأبدعتِ
وتألقتِ
اروع باقة ورد
من رحيق الجوري
أهديها لكِ
من قلبي أتنمى لكِ
السعادة والهناء
دمتِ بكل خير
خالد العطار