كان ياما كان
مدرجة في Blogger مرئية لمحركات البحث
تم التسجيل والتوثيق على blogger برقم 1824 بتاريخ 5 / 11 / 2019 م
🌺☘️🌺🌺☘️🌺
لسة بردو فى الامكان
مش كان ياما كان
كنت دايما قلبي حاسس
انى مش مكملة
اني صعب علي افضل
لحاجات كتير متحملة
كنت صابره وقول يارب
انت شايف وانت سامع
انى شايلة حاجات كتيرة
وأن قلبي من الالم
أصبح فى حيرة
اني شاربه المر واكتر
بس صابره
وانى مش هقدر اعبر
باللى جوه القلب ساكن
وانى من كتر التنقل
فى القلوب ويا الاماكن
..قلبي داب 💔
قلبي داب وخلاص يادوب
الحق انا منه اللى فاضل
واني مش هفضل اناضل
ولا اضحي بلي باقي لو لسه باقي
دا اللي فاضل جوه قلبي
يادوب بواقى
يادوب فتات
ايوة من كتر الجروح ويا الاهات
قلبي عاجز. قلبي مات
قلبي اصبح جوة صدري
بس منظر
ويمكن مش قادر يعبر
بس كتر خيره لسه
لسه بيصحي القلوب
لسه بردو قادر يدق
قادر يدوب
دقاته قلبي ساعات بتهدي
وكتير بتقوي
لما يلاقيني خلاص بموت
يقولى قومي. يقولى فوقي
ويقولي دوسى علي اللي فات
وبلاش هموم وبلاش اهات
اصحي و سيبك مالاحزان
ومتقولبش كان ياما كان
دا لسة بردو فى الامكان
ولسه مافاتش الاوان
لسه قلبك قلب وردة
وردة عطشانة لمودة
وردة عطشانة لحنان
وتكوني اجمل ماللي كان
وتنوري اجمل بستان
و لسه بردو فى الامكان
مش كان ياما كان
بقلم ..
حنان أمين
Hanan Amin Lashin
Hanan Amin
تم التوثيق بـ عشاق الكلمة لتوثيق القصائد والخواطر
ردحذفبرقم 1824 بتاريخ 5 / 11 / 2019 م
https://www.facebook.com/oshaq.elkelmaa/
تم التسجيل والتوثيق بموقعنا بـ المدونة الإلكترونية هنا بـ blogger ..
ردحذفبرقم 1824 بتاريخ 5 / 11 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
مدرجة في Blogger. مرئية لمحركات البحث
شكراً لتعاونكم معنا ..
خالد العطار
الشاعرة القديرة / Hanan Amin Lashin
ردحذفكثير من الكلمات تكتب
لكن مواطن الجمال
لا يراها
إلا قلب مسستشرف
لمراقي النجوم
وأنتِ لا شك
من هؤلاء الشامخين
في السماء العلياء
كتبتِ فأبدعتِ
رائع مداد قلمكِ
لكِ كل الاحترام والتقدير
تحيتي لكِ
خالد العطار