الكاتب القدير / الشاعرالغنائي سامي الماحي .. حلم الفقير

حلم الفقير
مدرجة في Blogger مرئية لمحركات البحث
تم التسجيل والتوثيق على blogger برقم 1864 بتاريخ 12 / 11 / 2019 م
.......................
أنا حلمي صغير مش كبير
ولا حلمي حتي مستحيل
أنا راضي أعيش وأكون فقير
بس بكرامه مش ذليل
صدقوني حلمي بسيط
ولا محتاج مني تبسيط
مش بڤله وقصر بحلم
أن شا الله أوضه جوه بيت
نفسي اعيش مره ف أمان
مش علي الرصيف ضيف
نفسي مخفش من الحرمان
لا برد في شتا ولا خريف
نفسي في مره أشوف غموس
أكله مره مع الرغيف
نفسي أحس أني أنسان
له في وسط الناس مكان
بصعب أوى علي نفسي
لما أشوف عيشه الحيوان
هما عيشنها ببساطه
عل الرصيف او عل البلاطه
هما مبيكلوش في بعض
أيوه مبيهنوش علي بعض
أما أحنا يا عيني علينا
بني أدمين بس بأسمينا
نفسي أشوف الناس ف مره تحس بينا
ليه الفقر ف الزمان ده أصبح عيبه
ليه الفلوس لصحبها بتعمل هيبه
وليه الفقير ينداس حتي لو كان ف شيبه
فين الأنسان فين الأمان فين يا ناس راحت الطيبه
أيوه حلمي بسيط وهحلم
وعمرى من الحلم ما فوء
وربي بس اللي بيا أعلم
سلمت له الأمر فوق
................
بقلم ..
سامي الماحي