عشتى طين
مدرجة في Blogger مرئية لمحركات البحث
تم التسجيل والتوثيق على blogger برقم 1686 بتاريخ 5 / 10 / 2019 م
................................
منستشى أرضى ولا فاسى
ولا حتى ريحة الطين
بس الأوامر فى الدواير
خلت عشتنا طين
مختارشى ليه زرعتى
حر ولا سجين
والمية غابت فى القنا
لحد ما جف الطين
وقلبى فى صدرى إنكوى
لموت حقى فى القوانين
الزرع فن وغنا
موال بقالو سنين
والكل عيشته نغنغة
وأنا اللى عشتى طين
كعوبى اللى فلقت
وإيديا خشنها لمين
كانت حياتى مزهزهة
زمن طويل التيل
معرفش إيه اللى جرى
و الرز كان له بديل
وقشه هجره الورق
واتعمل عليه مواويل
سحابة سودا واتخنق
من دخن حرقه عليل
والسد سد وفرق
بين موارد النيل
والخوف لبكرة حرق
أمل كل المزارعين
أخرتها إيه يا جدع
قاعدة ومد الإيد
اللى تجيبو الأرض
مايكفى دروس تعليم
ونجيبها طول أو عرض
منلاقى سلف مليم
غير اللى عينه ع الأرض
يلم م الغلابة فدادين
والتهمة أرضك عرض
وليه هملت الطين
دا العيشة زى النرد
هتزهزه بجد لمين
بقلم ..
وائل سعيد
تم التوثيق بـ عشاق الكلمة لتوثيق القصائد والخواطر
ردحذفبرقم 1686 بتاريخ 5 / 10 / 2019 م
https://www.facebook.com/oshaq.elkelmaa/
تم التسجيل والتوثيق بموقعنا بـ المدونة الإلكترونية هنا بـ blogger ..
ردحذفبرقم 1686 بتاريخ 5 / 10 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
مدرجة في Blogger. مرئية لمحركات البحث
شكراً لتعاونكم معنا ..
خالد العطار
سيتم تكريم هذا النص خلال الأسابيع القادمة
ردحذفدوام الحال من المحال
ردحذفوبعون الله ستتغير الأحوال للأفضل
أستبشر خيراً شاعرنا القدير
القادم أن شاء الله خيراً
الشاعر القدير / Wael Saaid
كثير من الكلمات تكتب
لكن مواطن الجمال
لا يراها
إلا قلب مسستشرف
لمراقي النجوم
وأنت لا شك
من هؤلاء الشامخين
في السماء العلياء
كتبت فأبدعت
كلماتك
استمتعت بقراءتها
رائع مداد قلمك
لك كل الاحترام والتقدير
خالد العطار