مصر يا غالية
مدرجة في Blogger مرئية لمحركات البحث
تم التسجيل والتوثيق على blogger برقم 1604 بتاريخ 21 / 9 / 2019 م
.....................
يا مصر يا غالية طول عمرك
ولا بتموتي ولا، تخافي
انا عاشق تُراب أرضك
و اصون عرضك ولا تخافي
انا ابنك رافع رايتك و مجدافك
ملامحك هية نيل صافي
بشبهلي في اوصافك
بروحي و دمي افديكي
و اشيل حملك علي كتافي
و بعشق ليلك الساهر و اكون سرحان
علي ضفة شراع نيلك في اي مكان
و اشوف شمس الاصيل ساطعة
بتتغني بمواويلك و تعزف اجمل الالحان
و لما بتوه بلاقي حضنك الدافي
يناديني و اناديلك
و الاقي الدنيا، بتنور
لما تقيد قناديلك
و اللي شافوكي مرة زمان
يوميها وصفوكي بالجنة
يا ست الكل يا بهية
يا تمرة و عطرها الحنة
يا ناعسة بشوقها يا أصيلة
سمارة انتي يا بِنية
يا قُلة بتروي ف العطشان
يا حضني الدافي فـ اي مكان
بكون ليكي حسن شاطر
تكوني نعيمة في العنوان
اتبسمي و اتكلمي لكن بلاش تتألمي
و انسي اي وجع و داري خوفك
بصي لولادك ح تفهمي
و سيبي ليا كمان جروحي
لملمي توبك و بوحي
و افرحي لليّ ف ولادك
شاركوا يوم الفرح بوحي
قالوا مصر الغالية عندي
و مهما أدي فداها روحي
قالوا مصر عروسة غالية،،،
و مهرها ما يكفي روحي..!
بقلم ..
الشاعر / ياسر عبد الحميد
تم التوثيق بـ عشاق الكلمة لتوثيق القصائد والخواطر
ردحذفبرقم 1604 بتاريخ 21 / 9 / 2019 م
https://www.facebook.com/oshaq.elkelmaa/
تم التسجيل والتوثيق بموقعنا بـ المدونة الإلكترونية هنا بـ blogger ..
ردحذفبرقم 1604 بتاريخ 21 / 9 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
مدرجة في Blogger. مرئية لمحركات البحث
شكراً لتعاونكم معنا ..
خالد العطار
سيتم تكريم هذا النص خلال الأسابيع القادمة
ردحذفالله الله الله عليك
ردحذفأيها الوطني المصري
نتمنى أن يفيقوا المغيبون
الشاعر القدير / Yasser Abd Elhamid
كلماتك فاقت الروعه
وقلمك خط حروف
في منتهى الرقى
في حب مصر
أحسنت
وأبدعت
وتألقت
اروع باقة ورد
من رحيق الجوري
أهديها لك
خالد العطار