بين عيدي وعيدك
مدرجة في Blogger مرئية لمحركات البحث
تم التسجيل والتوثيق على blogger برقم 1632 بتاريخ 25 / 9 / 2019 م
.............................
دا عيد ميلادي
.....................
لما جاني عيد ميلادي
وحبوا يحتفلوا ولادي
قلت لهم بلاش وافهموا
زي النهارده من سنه
فاكر ومش ناسي انا
كان ليا ايوه عيد ميلاد
يحتفل بيه القرايب والبعاد
بس انا من تعبي في شغلي
بحب دايما ارتاح وانام
فجأة اسمع اللي بتنادي
هوه فين .. هوه فين
هوه مابيشبعش نوم
اصحي علي صوتها واقوم
الاقيها قاعده منوره
ومن كل شئ محضره
بسبوسه وهريسه وتورته
وشمعتين قال يعني
عيد ميلاد بنتها الصغيرة
والمشروب تفاح اخضر
زي قلبها الابيض تمام
ادعي في نفسي واقول
يخليكي ليا الف عام
ياساميتي يااحلي من
اجمل كلام ومن كل الكلام
==============
ودا عيد ميلادك
......................
لما قالولي اكتب لها
قلت حضر وهاقولها
حبيبتي يااغلي من عمري
واغلي كمان من كل عمري
لما جه يوم عيد ميلادك
ووقفوا حواليا حبايبي ولادك
وقالولي النهارده لماماعيد ميلاد
قلت لهم فاكر والله ومش ناسي
بس مين قال إن لازم إحتفال
ماخلاص الفرح خلص وراح
واصبح مابيني وبين الفرح
ياااااااه اكتر من الفين براح
لأنني دفنت كل اعيادي معاكي
يوم مامشيتي وقولتيلي سلام
يومها كل شئ عدي وساح
وانتهي عمري فعلا ٱه وراح
دفنته وياكي ولملمت الجراح
وارتضيت لنفسي اعيش حزين
كاتم في نفسي ومليان بالأنين
علي امل اني في يوم هاقابلك
عيني منك ومن حروف اسمك
اشم عطرك وكمان كل زهرك
فالسين طول عمري احلي
من كده ماسمعتش سؤال
والألف أناطول عمري بحبك
والميم مستعجله ليه كده
وسيباني ياحبيبتي للسفاح
والياء ياتجيلي ياجيلك
والهاء هوه انا من غيرك
ليه عيشه يااحلي من
كل الاسامي والمعاني
ياعمري اللي عدي واللي جي
الباقي منه وكمان اللي راح
بقلم .. ابوحسان ..
[[ ٢٣ سبتمبر ٢٠١٩ ]]
تم التوثيق بـ عشاق الكلمة لتوثيق القصائد والخواطر
ردحذفبرقم 1632 بتاريخ 25 / 9 / 2019 م
https://www.facebook.com/oshaq.elkelmaa/
تم التسجيل والتوثيق بموقعنا بـ المدونة الإلكترونية هنا بـ blogger ..
ردحذفبرقم 1632 بتاريخ 25 / 9 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
مدرجة في Blogger. مرئية لمحركات البحث
شكراً لتعاونكم معنا ..
خالد العطار
سيتم تكريم هذا النص خلال الأسابيع القادمة
ردحذفأخي وصديقي هنيالك
ردحذفاليوم يوم ميلادك
والكل فرحان علشانك
من صميم قلبي بـ أدعيلك
ربي يهنيك ويخليك
ويطول عمرك ويريح بالك
اصدقاءنا وحبايبنا بالملتقى
اليوم عيد ميلاد شاعر عمرنا ما راح ننساه
اسمه جميل ملقب بـ ابو حسان ياهناه
يا يلا ياحبايبنا روحوا وحيوه
ده اليوم زاد سنه في عمره
ومن الفرح ما حدش قده
يا ربي يخليه لاولاده وأهله
أخي وصديقي وأستاذي العزيز
الشاعر القدير / ابو حسان
أطال الله في عمرك
وذاد الله في قدرك
وعمر الله قلبك
بحب الله
رحمة الله على شريكة حياتك
ودام نبض قلبك لينبض دائماً لها
مع أمنياتي لك بدوام الصحة والسعادة
أخيك
خالد العطار