سكة سفر
مدرجة في Blogger مرئية لمحركات البحث
تم التسجيل والتوثيق على blogger برقم 1370 بتاريخ 14 / 7 / 2019م
...........................
ركبت من اول الخط
قبل القطر مايتحرك
لاقيته بص ليه
وقالى ياصبيه
على فين انتى رايحه
ولا منين انتى جايه
كان نفسى بس اتعرف
شكلك مش غريب عليه
انا حاسس انى شوفتك
ومن زمان عرفتك
طب قولى حتى اسمك
هو اسمك بهيه
قلت اشمعنى بهيه
قالى عشان حلاوتك
وجمالك ياصبيه
هو اللى اوحالى
باسمك يابهيه
بصيت له انا وضحكت
وكمان رديت وقولت
عارف لما اتكلمت
خليتني روحت وتوهت
وكمان فيك فكرت
وقلت عايز ايه
منى وبتكلمنى ليه
ماهو فى ناس كتير
اشمعنى انا اللى شوفت
مش شايف حد غيرى
ماتكلم حد تانى
يمكن تكون غلطت
وفاكرنى حد غيرى
قالى ابدا ده انتى
هى نفس الملامح
وكمان بصة عنيكى
وحنية كلامك
والنغمه كمان فى صوتك
سكت مااتكلمت
وعليه ماجاوبت
وكمان لروحى قولت
ازاى انا اتكلمت
وازاى بيه اتعرفت
هى سكة سفر
واخدانى ليه ماعرفت
ووصل بينا القطار
لاخر المشوار
وقالى اوعى تمشى
انا معاكى مستنى
بيكى احلام التمنى
قولى تتمنى ايه
بس شاورى عليه
قولى وانا اجى بيه
لحد باب بيتك
انا اصلى لاقيتك
من نظره وكلمه حبيتك
اوعى تقولى لاء
ياحلوه انا قلبى دق
وليكى انتى رق
نفسى اكمل معاكى
وقلبى ينول رضاكى
اجي اكلم باباكى
امتى عليا يرد
وانا حصون العهد
من خجلى سكت ودوبت
مارديت عليه ولاقولت
طب قولوا ارد بايه
سكوتى رد عليه
يفهم انى رضيت
وعليه كمان رديت
بقلم ..
~~~راوية~~~
تم التوثيق بـ عشاق الكلمة على الفيس بوك
ردحذفبرقم 1370 بتاريخ 14 / 7 / 2019 م
https://www.facebook.com/oshaq.elkelmaa/
تم التسجيل والتوثيق بموقعنا بـ المدونة الإلكترونية هنا بـ blogger ..
ردحذفبرقم 1370 بتاريخ 14 / 7 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
مدرجة في Blogger. مرئية لمحركات البحث
شكراً لتعاونكم معنا ..
خالد العطار
ردحذفالشاعرة القديرة / Rawya Hassan
لتعلمي أنني من عشاق الأفلام الرومانسية
وهنا كان أحداها
ففي عالم الرومانسية
تعايشت معكِ حروف كلمات
أرق من أن تكتب بأنامل
تعايشت معها وكأنني أشاهد فيلم
من أجمل الأفلام الرومانسية
فهذه درر أدبية
تحفظ في سراديب العشاق
فأنت قلب يملؤه عواطف جياشة
وها هي تخرج أحداها
على صفحات
ملتقى شعراء العرب
انتظر القادم
من روائعكِ المعهودة
لكِ مني كل تقدير و احترام
تحيتي لكِ
خالد العطار