لا اجمل ولا اغلى منك
.............................
تم التسجيل والتوثيق على blogger برقم 1189 بتاريخ 13 / 6 / 2019 م
..................................
لا اجمل ولا اغلى منك
ياست الكل انا منك
لو عشت عمرى ارضيكى
ولو عمرين مايكفيكى
وقالوا الجنه باقدامك
راح افضل عمرى خدامك
ولو شلتك على راسى
اكيد ياأمى ده مقامك
~~~~~~~~~~~~~
ياناسيه نفسك علشانى
اعوز م الدنيا ايه تانى
واركع تحت رجليكى
ولا ده حتى يكفيكى
ده انتى ريحة الجنه
واللى يرضيكى يتهنى
~~~~~~~~~~~~~
ياست الكون ده كله
وهو ملكها
لو تطلب روحى مني
ولا عمرى اعزها
اديها بنفس راضيه
لانى بحبها
امى وغاليه عليه
فى الكون ولازيها
لما الدنيا تظلمنى
ابكى فى حضنها
واقولها يامايه
اكيد ماانا ابنها
تقول ايوه ياضنايا
ده انا جوه ف قلبها
ولا يوم يمر منى
ولا انسى فضلها
~~~~~~~~~~~
امى ولا فى زيها حد
لما يكون بقلبى وجد
زى احساسها اصله بجد
اجمل احساس ف الكون
لمسة ايديها حنان
اصل حنانها ده مضمون
دايما تدى بلا استأزان
وبتدعيلنا فى كل ادان
ان يحرسنا المنان
~~~~~~~~~~~~~
قلبها دايما مشغول بينا
قلبها ده بكل اهالينا
ولاتتعبنا ولاتضنينا
ودايما خوفها زياده علينا
مين يقدر يحل مكانها
انا ابيع الدنيا عشانها
اصل قلبها عايش لينا
~~~~~~~~~~~~~~
لو اوصفك بس حقول ايه
حبك ياأمى ازاى احكيه
كله حنان ودفا وامان
ولا فى حب فى الكون يساويه
~~~~~~~~~~~~~~~~
حتى كلامك له طعم تانى
دايما بسمعه بيشجى ودانى
ده احلى من كل الاغانى
ياأمى يا شهد الامانى
ده كل حاجه فيكى عجبانى
كل كلامك ليه حكمه
بتقوليه ليه اكيد له لازمه
وبتخافى عليا دايما
يا اطيب قلب فى الدنيا
~~~~~~~~~~~~~~~
بقلمى / راوية حسن
تم التوثيق بـ عشاق الكلمة على الفيس بوك
ردحذفبرقم 1189 بتاريخ 13 / 6 / 2019 م
https://www.facebook.com/oshaq.elkelmaa/
ردحذفالشاعرة القديرة / Rawya Hassan
إذا تحدثت عن الحبّ والحنان
أشرت لقلب أمي
وإذا تحدثت عن الطمأنينة والسعادة
قلت حضن أمي
فالأمّ نعمة أنعمها الله علينا
هي زهرة أيامنا وعبير صباحنا
هي بسمة السنين وجمال الحياة
فمنها نستمدُّ قوّتنا و إصرارنا
فمهما كتبت لن أجد أجمل
من كتابة كلمات تفيها قدرها
إلا أن أقول لها
كنتِ رائعة أيتها الأم العظيمة
رحمة الله عليكِ يا أمي
هي نائمه في قبرها
لكنها مستيقظه في قلبي.
فـ الأم كل شي في الحياة
وبدونها نصبح لاشي
ولايشعر بذلك إلا من فقد أمه
اللهم ارحم أمي وأغفر لها
وارفع درجاتها في عليين
وأجمعني بها في جنتك.
إن العين تدمع
والقلب يحزن
ولا نقول إلا ما يرضى ربنا
وإنا بفراقك يا إبراهيم لمحزونون
كلمات قالها الرسول لحظة موت ابنه إبراهيم.
ونحن نقولها لوداع أمهاتنا
أن العين تدمع
وأن القلب يحزن
ولا نقول إلا ما يرضى ربنا
وأن لفراقكِ يا أمي لمحزونون
أمي الحبيبه الغالية
اعذريني إن أخطأت يوماً في حقكِ
أعذريني إن لم أفي يوما بما يرضيكِ
الوداع يا أمي
رحمة الله على أمي
وعلى كل الأمهات
التي تولهم الله برحمته
بحق وحشتينا يا ست الكل
الشاعرة القديرة / Rawya Hassan
كلماتكِ تـُلامس اوتار القلوب
دون معاناة
فـ أنتِ كما عاهدناكِ
رقيقة وشاعرية
إحساسكِ يتخطي كل حدود
ودائماً تطلين علينا برائعه
من روائع الكلماتِ
التي تحمل بها الكثير والكثير
وتستحق ان نقرائها الف مرة
لرقة ما بها من مشاعر
أحسنتِ النشر
ما حرمنا الله من مداد وسخاء قلمكِ
ونبض هذا القلب الرائع
دمتِ دائماً بتألق
تحيتي لكِ
تم التوثيق بموقعنا بـ المدونة الإلكترونية هنا بـ blogger ..
ردحذفتم التسجيل والتوثيق على blogger برقم 1189 بتاريخ 13 / 6 / 2019 م
للمشاهدة والتعرف على ما تم التوثيق له
أضغط على هذا الرابط
https://oshaq-elkelma.blogspot.com/
وسوف تظهر لكم ما تم التوثيق له ..
شكراً لتعاونكم معنا ..
خالد العطار