صدقيني
.............
تم التسجيل والتوثيق على blogger برقم 1076 بتاريخ 7 / 6 / 2019م
.................................
صدقيني
عشان بحبك.. بقولك اكرهيني
ورغم روحي جوا منك
وانت ِروحك حته مني.. مش هتلاقيني
ماانتِ عارفه اد ايه بعدك بيوجع
ولما اللي غايب عنك تاني يرجع
هتنسيني ....صدقينى
اما انا مستحيل يجف دمع عيني
انتِ حبيتِ حبي ليكي.. لكن انا ماليش وجود
ولما شوفتي خوفي عليكي
نهر فايض ملهوش حدود
احتميتي جوا منه... وركبتِ شراعك تعبريه
مش عشان توصليلي..
لكن عشان تشوفي غيري فيه
حياتك راجعه تاني.. وحضنك غيري هيسكنه
وانا اللي ياما سهرت باحلامي
وانت بتهربي وبتوجعي وبتألمي وبترفضي
عندك حق.. انت وحدك مسكنه
حاجات كتير وعدتيني بيها
قوليلي كام مرة صدقتي فيها
اما انت ِ لو تؤمري... الامر كان
ولو طلبت العمر.... العمر هان
ولو شاورتي من غير كلام
علي اي فرحة... بعت روحي واشتريها
بلاش تحزني في يوم عليا
او تنزل دمعة منك
خلي وجعك ..خلي جرحك.. خلي المك
خلي حزنك كله ليا
... خليهولي اشيله عنك
صدقيني هطمن عليكي لكن من بعيد
ماانا شايفك من هنا
شايف ضحكتك ..شايف ملامحك
اللي مزروعة جوايا عيد
لكن لازم تعرفي.. ان انا مش اناني
بس عارف حدودي فين وعارف مكاني
عارف اني بموت في قربك
وهموت اكتر في بعدك
عشان كده بقولك اكرهيني
الحكاية عندي ان حبك مستحيل يموت
رغم انك هناك واخداكي مني البيوت
معقولة فيه حد غيري هيلمس شفايفك
معقولة هفضل كده.. شايفك ومش شايفك
مش جنون والله ياعمري
اني اطلب منك تكرهيني
لكن الجنون.. ادور عليكي وانت بتكلميني
وانت بتضحكي ويا روحي
وانت نايمة جوا عيني
صدقيني بطلبها تاني عشان اموت
وعارف بعد موتي..
حبك جوايا مش ممكن يموت
لكن ليا طلب منك اخير
لو مر طيفي بيكي في منام
ماترديش حتي السلام
ماانت عارفه قبل مني
لو سمعت صوتك كأني
لسه بيتولد جوايا الكلام
وتلاقينى من جديد بقول بحبك...
ولما القي تانى هجرك
ارجع واقولك ...هو دا طبعك
وياريتك تكرهيني
صدقينى عشان بحبك
بقولك اكرهينى
بقلم ..
Osama Fouad
الشاعر القدير / Osama Fouad
ردحذفكلماتك تـُلامس اوتار القلوب
دون معاناة
فـ أنت كما عاهدناك
رقيق وشاعري
إحساسك يتخطي كل حدود
ودائماً تطل علينا برائعه
من روائع الكلمات
التي تحمل بها الكثير والكثير
وتستحق ان نقرائها الف مرة
لرقة ما بها من مشاعر
الشاعر القدير / Osama Fouad
كلماتك لها مذاق خاص
لما تحمله من صدق المشاعر
قمة الروعة
بل منتهى الروعه وأكثر
أحسنت التعبير عن إحساسك
تحية خاصة لنبض قلبك
دمت بكل خير
خالد العطار
تم التوثيق بـ عشاق الكلمة على الفيس بوك
ردحذفبرقم 1076 بتاريخ 7 / 6 / 2019م
https://www.facebook.com/oshaq.elkelmaa/
تم التوثيق بموقعنا بـ المدونة الإلكترونية هنا بـ blogger ..
ردحذفتم التسجيل والتوثيق على blogger برقم 1076 بتاريخ 7 / 6 / 2019م
للمشاهدة والتعرف على ما تم التوثيق له
أضغط على هذا الرابط
https://www.blogger.com/blogger.g?blogID=7823291271225369004#allposts
وسوف تظهر لكم ما تم التوثيق له ..
شكراً لتعاونكم معنا ..
خالد العطار