يااللى كلامك اثر فيه
اصله كان النور لعنيه
لما جيت وصارحته بحبك
قلبى يدلك..... هو كمان كان
نفسه يقولك....... وتوددلك
حتى عيونى جم سالونى
جم وقالولى كلام عن حبك
ياللى سنين عمرى بتشتاقلك
خلى كلامى هو يقولك
قبل ماتيجى تكون فى طريقى
بلاقى دقات قلبى اسبقلك
وتمهدلك كل طريق وصلنى
لهمسك.
كنت انا بسال
انت انسان عادى
ولاملاك جانى وقت
ماكنت انا باندهلك..
طيب قولى يااللى شاغلنى
انت اكيد ولا تهيألك
حبى جديد عليك وعليا
خلى القلب يروح ويقولك
يالا تعالى حبيب الروح
اصل القلب كتير مشتاقلك
قالى كلام عليك وسمعته
اصل كلام قلبى بيليقلك
كل كلمه وحرف بقولها
تبقى عليك حتى اسأل قلبك
يوم ماتجينى وتكحل عينى
بشوفتك انا راح اكون بستاهلك
اصل عنيه عمرى كله
ماشافت حد بيشبهلك
انت حبيبى مافيش كده منك
ولافى حد ابدا زيك
.................
بقلمى/ راوية حسن
ردحذفالشاعرة القديرة / راوية حسن
رائعة أنتِ
في بوحكِ
وفي كلماتكِ
رائعة أنتِ
في رسمكِ
رائعةأنتِ في كل حرف
دونتِ به هنا
فقد نقشت حروفكِ
بريشة الإبداع
لا أريد أن أطيل من كلامي
لآني اخشى أن يفسد جمال
ما سطرتِ وكتبتِ
من بديع العبارات
تحيتي وتقديري
ننتظركِ بالقادم
خالد العطار