الشاعرة القديرة / راوية حسن .. حلو اللسان

حلو اللسان
..............
ولابيخلص الكلام
مهما قولته وعدته ليا
اصل ده حلو اللسان
والكلام الحلو بيا
انت قول وقول كمان
من كلامك مستحيه
ايوه يحلو الكلام
بقعده ساعة مغربيه
كنا نتقابل زمان
كات بتجمعنا المحبه
عند شجر البرتقان
والنخيل يشهد علينا
كنت دايما بناديك
وانت جاى هالل عليه
احلا ايام كات وكانت
والحياة كانت رضيه
والمحبه كات معانا
والورود كات مستحيه
شوقنا جوه القلب طارح
بسمتك عندي هديه
والايدين جات سلمت
بس كان آخر سلام
والسعاده اتبدلت
والقلوب داقت اسيه
عدت السنين وفاتت
نفسي يرجع تاني ليه
سلمولى على الزمان
اللى راح مني ضحيه
...............
بقلمى/ راوية حسن