إياك تسلم نفسك للسكوت
لو كلمة منك تقتلك
قولها و موت
الكلمة سيف
لكن عويل
فى دنيا فيها
الحق ضيف
و مستحيل
كل اللى قدم تنازل
فى حياته صار خسران
و اللى كسب نفسه
مهما خسر كسبان
قول لعبيد الضل
النفس مش للذل
و اللى خسر نفسه
خسر لقب انسان
رب العباد كرمك
ازاى تعيش متهان
لو الحياة معركة
موت فيها راسك فوق
ما تعيش و انت جبان
ما تسيبشى اوهام تسرقك
طاطى لحلمك يركبك
و يخسرك و يغرقك احزان
الحلم مش جولة
و العمر مش جولة
الدنيا صد و رد
العمر م المولى
و الرزق م المولى
يبقى الحياة اولى
تتعاش بعزة و زهد
لو طالت الرحلة
او زادت المحنه
ربك ما ردش حد
كل اللى كسبوا فى معركة ذاتهم
مكملين احياء
كل اللى خسروا نفسهم مرة
مكملين تفريط
كل اللى باعوا نفسهم بغباء
بيبيعوا احلامهم
بعديها بالتقسيط
بقلم ..
كرم ابراهيم
الصمت الحاكى
أحسنت .. راااااااائع
ردحذفالشاعر القدير / كرم ابراهيم ( الصمت الحاكى )
أحسنت القول والعمل
كتبت فأبدعت
حروفك جميلة
استمتعت بقراءتها
رائع مداد قلمك
دمت بكل خير
تحيتي لك
خالد العطار