أشعار وطنية
(( في حب مصر ))
................
بلدنا بتشرق شمسها
من زمان قبل التاريخ
مصر الكريمة بشعبها
وبعطائه يسابق الريح
ولو يوم سوء مسها
القلب يبات مكسور جريح
وفي لحظة قلبي يضمها
لو تعبان بيها أستريح
افراحي فيها أنا عشتها
بكرامة الأولياء وفن المديح
ونفيسة العلوم ياما زورتها
والأزهر فيه الصحن الفسيح
وجمالها عنوان سحرها
وعطر المكان بمسك الريح
واهرامتها رمز لمجدها
وآثارها من فجر التاريخ
أنا قلبى عليل بحبها
وترابها عندي بألف قصر
......... وهي دي
حلاوة مصر..........
مصر العظيمة بأهلها
على أرضها الياسمين
............ مزروع
الخير بيجري في دمها
ولا حد فيها يموت م
............. الجوع
في الفرح يرقص قلبها
وقلبها يرفرف بين
............ الضلوع
ولو يوم تحتاج حضنها
تقيد صوابعها العشرة
............ شموع
ألله على روعة سحرها
وشمسها الدهب ساعة
............ الطلوع
وقمرها حارس أرضها
وينور الحواري وكل
............. النجوع
عروسة بتتباهى بشعرها
وعلى وشها الجمال
............. مطبوع
في الحزن مايبان دمعها
والقلب عمره ما بات
............. موجوع
والمولى كرم جندها
وحباها بدوام النصر
........... وهي دي
حلاوة مصر...........
والنقشبندي بصوت
............. فنان
تواشيح وذكر مع
.......... إبتهالات
وأسمع فيها صوت
.......... الأذان
واجراس الكنايس
.......... والصلوات
والتراويح في ليل
........... رمضان
والملايكة تتنزل
............ بالرحمات
والخير يعم في كل
............ مكان
وقران يلعلع في
........... الحفلات
وتتلم العيلة زي
............ زمان
وننسى ما بينا من
........... خلافات
والكل عايش حاسس
............ بأمان
ويحلى السهر مع
............ الزيارات
والغني فينا يدي
............ الغلبان
رمضان معروف بشهر
............ البركات
وصلاة العيد يالا
............ ياجدعان
نلبس وننزل في
........... الساحات
وتلاقي الكل سعيد
........... فرحان
بالأحضان نتقابل
.......... والسلامات
ياجنة باقية وسط
........... الجنان
وحبك بيعصر بقلبي
........... عصر
وهي دي..........
........... حلاوة مصر
بقلمى / الشاعر وحيد محروس
الله الله عليك يا أبن مصر
ردحذفياشاعر يامصري ياعظيم
الشاعر القدير / الشاعر وحيد محروس
كثير من الكلمات تكتب
لكن مواطن الجمال
لا يراها
إلا قلب مسستشرف
لمراقي النجوم
وأنت لا شك
من هؤلاء الشامخين
في السماء العلياء
كتبت فأبدعت
حروفك جميلة
استمتعت بقراءتها
رائع مداد قلمك
لك كل الاحترام والتقدير
تحيتي لك
خالد العطار