إفرح عشانها
🔻🔻🔻🔻
إفرح عشانها ياقلبي مهما يكون نصيبك
لو حتي عمرك جمب منها معشتهوش
حكمت عليك بالجرح يبقي بإيد حبيبك
لكن اللي بيحب في حد مايكرهوش
حظك ياقلبي ما حد يخاف عليك
وأنت اللي بتخاف علي ناس بتحبها
مخنوقه روحك وأنت كاتم كله فيك
وجعك دا صعب وانت مش مكتوبلها
سرحان كتير والدمعه مكتومه بعينيك
بتخبي إحساسك عن الناس كلها
يشوفوني اضحك قالو مين هيهز فيك
وانت اللي بتموت ياقلبي في بعدها
🥀🥀🥀🥀🥀🥀🥀
ليه ابتليت بالحب والجرح في حياتي
ليه ابقي عايش حاله عمري ماعشتها
إن ابقي موجوع م الحنين بين سكاتي
واللي بيسأل قولت إني كرهتها
حبي حقيقي عشانها بجد ادعلها تفرح
مش إني أكون قاسي عليها بعدها
يمكن صحيح هي اللي قدرت إن تجرح
لكني هفضل طول حياتي بعزها
حظك ياقلبي ما حد يخاف عليك
وأنت اللي بتخاف علي ناس بتحبها
مخنوقه روحك وأنت كاتم كله فيك
وجعك دا صعب وانت مش مكتوبلها
سرحان كتير والدمعه مكتومه بعينيك
بتخبي إحساسك عن الناس كلها
يشوفوني اضحك قالو مين هيهز فيك
وانت اللي بتموت ياقلبي في بعدها
🥀🥀🥀🥀🥀🥀🥀🥀🥀🥀🥀
بقلم ..
احمد طلبه
ردحذفالشاعر القدير / Ahmed Tolba
كثير من الكلمات تكتب
لكن مواطن الجمال
لا يراها
إلا قلب مسستشرف
لمراقي النجوم
وأنت لا شك
من هؤلاء الشامخين
في السماء العلياء
ما أجملها من همسات
لك كل الاحترام والتقدير
مع أمنياتي لك بالسعادة والهناء
تحيتي لك
خالد العطار