ركام،، السنين
..................
ركام السنين ,, يزيدنى ف حنين
و يطمس حروف الكلام و المعانى
فى ناس طيبين ,, و ناس مجروحين
و ناس مخلوقينلى ,, فى روحى و كيانى
و ناس شقيانين،، و ناس مغلوبين
و ناس مطحونين،، بمر السنين
و ناس مشتاقين،، لفرحة و اماني
و انادى عليهم ,, بقلبى و روحى
يردد ندايا ,, أنينى و جروحى
لكن غصب عنى ,, بكمل ندايا
و اطبطب عليا و اداوي ف جروحي
و مش ضعف منى ,, بعيد الحكاية
حكاية زمانى .. و زهرة صبايا
و بشتاق مكاني،، و أتأخر،، حنيني
و اكون حد تاني،، مكمل معايا
و اشوف نفسى صورة ,, فى كل المعانى
ركام او حطام،، ما فارقة،، الحكاية
الاقى زمانى ,, بيجهل مكاني
و لو جيت انادى،، ما يسمع،، ندايا
و انفض تراب السنين،، فوق جبيني
و اطبطب عليا،، و أزيل،، دمع عيني
و مهما ركام السنين،، بيناديني
ح أقول له اكتفيت،، و أودع،، حنيني
بقلم ..
الشاعر / ياسر عبد الحميد
ردحذفالشاعر القدير / Yasser Abd Elhamid
كثير من الكلمات تكتب
لكن مواطن الجمال
لا يراها
إلا قلب مسستشرف
لمراقي النجوم
وأنت لا شك
من هؤلاء الشامخين
في السماء العلياء
لك كل الاحترام والتقدير
مع أمنياتي لك بالسعادة والهناء
تحيتي لك
خالد العطار