النصيب
...............
بقينا نداري أفراحنا
ونعمل للي جاي حساب
نلكفيت حالنا على روحنا
وعينا عالنصيب ليه غاب
رضينا النفس كده حالها
وعايشه بين قلوب أحباب
نحس وشوش بتتصعب
وغيرها قالبه نص عتاب
وناس شفايفها بتمصمص
وفضحه ودها الكداب
وناس عالحيط بتتصنت
وفارشه من اللي نقا عجاب
وغيرها بييجي عالسيره
ويفتي إعملولها حجاب
وناس بالنيه تدعي لنا
بطيبه واخده بالأسباب
وعين لقريب كشفانا
تفصل من الجدار 100 باب
وجار وغريب له معانا
خزنه للشهامه حساب
بيروي القلب إيمانه
ويبقى الطبع فيه غلاب
بقلم .. صبري رسلان
ردحذفالشاعر القدير / Sabry Raslan
لك إحساس رائع للوصف
والوصول بنا إلى ما تريد
وراح نقول دائماً
النصيب
شاعرنا القدير
أبدعت فيما دونت هنا
تحية خاصة لك أيها المبدع
ما حرمنا الله من إطلالتك
دمت بكل خير
تحيتي لك
خالد العطار