هيجيله يوم
............
أصبر يا قلبي
هيجيله يوم ..
يحس بينا وينشغل ..
يسأل علينا كده كل يوم
ويدق قلبه ويتقسم ..
يسهر يعد إلنا النجوم
حيران بشوقه .. ما يبتسم
هيناجي ليل
من سحره داب ..
وعين بتستنا اللي غاب
هيحس ويدوق من العذاب
وده صبره داب
وسط اللي داب
لا عين تكحلها السلام
ولا نظره هايمه بدون كلام
قرب يا حلم
جوايا شوق
وغرامي تاج
له ألف طوق
ههديله عشق جوايا طال
وأغزل له قلبي
على صدره شااااال ..
وأحضن هنايا مع الف ليل
وأسكن عيونه
وبجناحه أطير ..
وهقول لقلبي ما بقاش يخبي
بيسأل علينا طب أقوله أييه
هحضن غرامه بدون كلام
وهقوله صبري من شوقه داب
قرب شويه قرب كمان
نعوض غرام
له يومين وغاب ..
بقلم ..
صبري رسلان
الشاعر القدير / Sabry Raslan
ردحذفكثير من الكلمات تكتب
لكن مواطن الجمال
لا يراها
إلا قلب مسستشرف
لمراقي النجوم
وأنت لا شك
من هؤلاء الشامخين
في السماء العلياء
لك كل الاحترام والتقدير
مع أمنياتي لك بالسعادة والهناء
تحيتي لك
خالد العطار