دمعك كده بان
...................
دمعك كده بان
كده على خدك ..
مكسور البال والشوق هدك
فاكر نفسك ده ما فيش قدك
مغرور بجمال الله يسلم
ودلال مرسوم لحن إتكلم
والنظره معاك سهم معلم
ياما داب عشاق فيك تتألم
من نفس الكاس أشرب وأملا
جرب إحساس مر الكلمه
اسهر كام يوم مجافيك نومك
وتوه في غرام عد نجومك
أحلامك إمتى هتتحقق
وغرورك بيهد يسبق
ضيعت قلوب دقها شاري
تشاغلها وباصص في العالي
دوق نار الشوق حس لهيبه
قلبك كده دق الله يعينه
مشغول البال عند حبيبه
إتألم إن بتعذيبه ..
الورده ودبلت بالراحة
محرومه غرام ولا عين بتنام
عايشه في إحساس فاتها الراحه
دمعك كده بان
كده على خدك ..
بقلم .. صبري رسلان
ردحذفالشاعر القدير / Sabry Raslan
رائع أنت في إحساسك ومشاعرك
ما اجمل أن نكتب
ما يبوح به القلب
حتى تهدأ المشاعر
أسعدني أن أدون لك
بحروف الإعجاب
لما خط هنا
من إبداع قلمك وإحساسك
دمت لنا ولـ عشاق الكلمة
تحيتي لك
خالد العطار