لية لية لية
...............
لية كل حاجة بقت بالمقلوب
وحياتنا صبحت غالب ومغلوب
لية الصدق يتخون ويدوب
وكل ما تقرب منة يبعدوك
وكل ما تنطق تملي يصدوك
ويقلبوا الحق باطل ويهجموك
لية القلب ديما موجوع
لية الغنوة حزن ودموع
لية بنتوة في طريق الرجوع
وتضيع الحقيقة عشان ينهوك
لية يا بلدنا غيطك موبوء
وفلاحك في أرضة معزوء
لية يزرع درة وفي الرز مزنوق
لصالح مين تشغيلية ما يروق
لية بنطمس بإيدينا الحقيقة
مع إننا عارفنها من أول دقيقة
لية الأزمة بتخرج من إيدينا
وندور علي شماعة ليالينا
لية بتهبش فينا العزيقة
ويشمتوا فينا الخالة صديقة
طب لية بنحن لروح زمان
لية بنمشي لنفس المكان
لية تحت التونة أنا إنسان
والصفصافة من خبر زمان
طب لية عايزين الماضي يعود
علي شأن الحاضر مش موجود
علي شأن بقينا كلنا أكذوبة
وصبحنا في إيديهم ألعوبة
بقلم ..
شاعر العامية رمضان البربرى
الكاتب االقدير / شاعر العامية رمضان البربرى
ردحذفما قدمته هنا
أكبر من أن أسجل له اعجابي
فهوا عبق نرجسي يسطر بعذوبه
وجمال يعانق السماء
كجمال الانتقاء للكلمة والمعنى
فما لي هنا إلا أن أقول له
ما قرأت هنا هو بحق
ابداع .. تميز .. تالق
من شاعر العامية
تحيتي لك
خالد العطار