حبيبتي الغالية
...............
بحبك والله يا غالية
يا نجمة في السما عالية
يا نجمة نورها رباني
مالي قلبي وكياني
يا نجمة والله سحراني
بس ايديا مش طايلة
يا نجمة امتى تحسيني
وتيجي في مرة تحبيني
انا طال الهوى بيا
ولسه برضة بحنيني
بستنى الدوا منك
ما في غيره بشفيتي
يرد روحي من تاني
وانا طول عمري وحداني
وانت في السما عالية
وانا ايديا مش طايلة
نفسي ادور في مدارك
نفسي داري يكون دارك
نفسي ادوب في شريانك
اجري جوه في وريدك
نفسي في دفء احضانك
نفسي ايديا هنا في ايديك
ساعتها حارمي احزاني
واعيش الحياة تاني
واصالح الباقي من عمري
وانا طول عمري وحداني
وانت في السما عالية
وانا ايديا مش طايلة
بس برضة حفضل احبك
طول العمر يا غالية
بقلم ..
يحيى حسين
30 يناير 2019
ردحذفالشاعر القدير / يحيى حسين
ثمة سحر تفرد به نبضك
حيث نتوه في بحر جمالك
مابين الانفاس والحرف المتمرد
رائع كنت حد البذخ بأدائك
حماك الله يا مترف الحس
كنت هنا استنشق عبق بوحك
وفي جعبتي حفنات من الاعجاب
تحيتي لك
خالد العطار