عاميه مصريه
....
سراب
.......
خايف لتكونى سراب
وأبدأ من تانى عذاب
وماأطولش غير حرمانى
لاأنا قادر أقرب منك
ولا عارف أبعد عنك
ليه وإنتى بعيد مالكانى
تضحك لى الحلوه عنيكى
أجرى بأشواقى عليكى
ألاقيكى فى عالم تانى
وإن نزلت منك دمعه
بزرع فى عنيكى الفرحه
وأرويها أمل وأمانى
وأرسم حبك بحروفى
يمكن بعنيكى تشوفى
وإنتى بصمتك قاتلانى
إازى القلب إختارك
ورسم جنته من نارك
وغزل من يأسه أمانى
أرجوكى ياريت تنسينى
وبلاش تانى تشاغلينى
مادام إنتى مش حسانى
وإذا جت قدامى سيرتك
هاقول أنا صح عشقتك
وٱنتى ماكنتيش فاهمانى
وفى حبك املى أنا خاب
ماأنا إللى عشقت سراب
وٱخترت إنى اعانى
بقلم ..
سعيد الشاعر
مصر
ردحذفالشاعر القدير / سعيد الشاعر
صدقني
مهما كتبت ومهما قلت
لن أجد ما يوازي تلك المشاعر
التي إحتوتها الأسطر
التي كتبتها بعلم وتحليل وإتقان
فالحروف سهل أن تنطق
ولكن من الصعب
أن نروضها كما نشتهي
لنكتبها لمن يستحقها
لن أقول لك كلمات ثناء أو إعجاب
لأن كلمات الثناء أو الإعجاب
قليلة بحقك
ننتـظــر منــك أن تتحفـنـا دائمــاً
بتواجدك وكلمــاتك
التي تسـتحق كل التقـــدير
والإعجـاب الشـديد
تقبل تقديري وإحترامي
حالد العطار