اعتذار
.......
بعد ما هدمتى بأيديكى
اللى باقى من جدار
بعد ما شفتى في عيوني
نظرة شوق وانكسار
بعد ما رويتي الامانى
بدمع بطعم المرار
جيتي وأخدتي القرار
ملفوف بكلمة اعتذار
قد ايه النسر قاسي
لما بيعدى الجسور
ويرمي بشباكه اللعينة
فوق اعشاش الطيور
ويقتل احاسيس جميلة
كانت جوه الصدور
لكن النسر عمره
ما ادعى نبل القرار
وجه يواسى الطيور
قال بكلمة اعتذار
قلبي بحبك او بغيره
حيفضل مليان بالحنين
قلبي حيفضل تمللى
يتحدى تعب السنين
قلبى حيفضل يدور
قلبى حيفضل جسور
دا انتى يدوب فى حكايتى
حرف . من بين السطور
قلبى خلاص اخد القرار
انه رافض حتي منك
اي كلمة اعتذار
يحيى حسين
6 ديسمبر 2018
ردحذفالشاعر القدير / يحيى حسين
هنا يتألق إحساسك
ويتميز القلم
فسوف أقلدك
بوسام التألق
وأعلنك
ملك للحرف والكلمة
ونصبح جميعاً
رعايا بداخل مملكة
يحيى حسين
لنتعلم منك كيف يكون
صياغة الإحساس
ومعانقة الحروف
وتدوينها بكلمات
بداخل السطور
فمهما خطت أقلامنا
فهيّ ما زلت تتعلم
بداخل مدرستك
تحية خاصة
على هذا التألق
وعلى هذا التواجد المميز
فما أروع إطلالتك هذه
فكن دائماً بالقرب ولا تبتعد
تحيتي لك