اعتذار
.......
بعد ما هدمتى بأيديكى
اللى باقى من جدار
بعد ما شفتى في عيوني
نظرة شوق وانكسار
بعد ما رويتي الامانى
بدمع بطعم المرار
جيتي وأخدتي القرار
ملفوف بكلمة اعتذار
قد ايه النسر قاسي
لما بيعدى الجسور
ويرمي بشباكه اللعينة
فوق اعشاش الطيور
ويقتل احاسيس جميلة
كانت جوه الصدور
لكن النسر عمره
ما ادعى نبل القرار
وجه يواسى الطيور
قال بكلمة اعتذار
قلبي بحبك او بغيره
حيفضل مليان بالحنين
قلبي حيفضل تمللى
يتحدى تعب السنين
قلبى حيفضل يدور
قلبى حيفضل جسور
دا انتى يدوب فى حكايتى
حرف . من بين السطور
قلبى خلاص اخد القرار
انه رافض حتي منك
اي كلمة اعتذار
بقلم ..
يحيى حسين
6 ديسمبر 2018
الشاعر القدير / يحيى حسين
ردحذفرائع أنت
في بوحك
وفي كلماتك
رائع أنت
في كل حرف
دونت به هنا
برغم قسوة قلمك اليوم
ما أبدعك
أيها الشاعر
دائماً سوف نكون
في انتظار القادم لك
باقة ورد من زهور الجوري
أرسلها لك
تقبل مني هذا الحضور
لك مني كل تقدير وأحترام
خالد العطار