ام البنات
...........
يا ام البنات
جوه العيون حطى البنات
حاسبى عليهمِ م الشتات
جوه الضلوع خَبىِ الصبايا
حافظى عليهم دوول ولايا
حُضن الامومه فيه الثبات
فيه المحبه والامنيات
فيه الدفا والتضحيات
ياام البنات
عدِى الخطاوىِ واحُرُسى
خافى عليهم واحرصى
ريش الدلاعه آص آصىِ
وبالمياعه والخلاعه اترَبِصى
جوه عنيهم بصبصى
ياما العيون سكناهاحكايات
يا ام البنات
ياام البنات لمى البنات حوليكى
قربك امان نبع الحنان ف عنيكى
اصل الدفا موصوف ف كفيكى
الشده واللين موازين ف آيِديِكى
العطف والإحسان دايماكمان فيكى
قلب الامومه ف الضلمة يهديكى
يحس الضنا ويصرخ يناديكى
ينطق يقول على كل الاهات
يا ام البنات
يا ام البنات لمى البنات ضميهم
جوه العيون ف النن حطيهم
يا ام البنات حايلى وصحبيهم
اوعى الذئاب تلف حوليهم
خدى العظات من إللى قبليهم
ياما بنات بس الدمع كاويهم
عشان مفيش حد يراعيهم
عاشواالحياه بعيدعن اهاليهم
تاهوا فى سكه كلها متاهات
يا ام البنات الحريه مطلوبه
آوعى تزيدى لتبقى مقلوبه
ترجع بحسره وعله منكوبه
يا ام البنات خليها محسوبه
ترجع بنور وفرحه مكتوبه
اراده بناتك متكنش مسلوبه
تحلى حياتك كلهالحدالممات
(بقلم رحيم الشيخ طه قطب )
ردحذفالشاعر القدير / رحيم الشيخ طه قطب
كتبت الوصايا بأتقان
لكن والله البيت الذي ينشأ
على أقامة فرائض الله
من صلاة وعبادة
لا خوف على من فيه
فـ الله هو الحارث
أجدت التعبير شاعرنا القدير
تحيتي لرقي إحساسك
دمت بكل خير
خالد العطار