خياط
.....
خياط وبخيط بايديا
في هدوم الناس
وكلام الخيط والابرة
مليان احساس
مع ان الابرة مصنوعة
من قلب حديد
لكنه بيحس وكأنه
له الف وريد
بلضم الابرة
بالخيط والصوف
والقى الدنيا حواليا
دولايب ورفوف
حتلاقي الرف على يميني
فيه ناس فرحانة
والرف التاني علي شمالي
فيه ناس حيرانة
ورفوف قدامي بتغني
فرحانة ببكرة
وورايا رفوف زعلانة
بتغني لذكرى
متحوط يا خلق يا عالم
بدولايب ورفوف
وطول ما انا عايش بتعلم
وهو يا ما حاشوف
يحيى حسين
23 ديسمبر 2018
الشاعر الرقيق الموهوب
ردحذفيحيى حسين
يسعدني أن أكون
مع المتابعين لكتاباتك
وأمر دائماً من هنا
وأشيد بقلمك
الذي لا يشق له غبار
إحساسك رقيق و رائع
في تقمصك وتعبيراتك
في خياط
بـ انتظار المزيد
من جمال طرحك
متابعة لك دائماً
دمت بكل خير
خالد العطار