راجل عتره
...........
ضريح محطوط على حلمى
وزود فى الغيطان همى
وبيت فوق الجبل مهدوم
وطير فوق راسى عما يحوم
بينزل ارضى وانا ملزوم
اطلعله كذا كيله
لو انطق
يرمونى كده
هيﻻ بيﻻ
يحطونى على شجره
كبيره واصلها فاجره
اقولها عيب دانا عتره
تقولى طب منا عارفه
لكن غيرك اخد ارضك
وارضك ديا من عرضك
ماينفعشى اكون ساكت
واموت وماسبشى غيط لكن
ماعدنى سﻻح
وﻻ حتى طرية فﻻح
ادافع بيها عن نفسى
ودمى مباح
وانا اطريت
اسيبك بس هارجعلك
وهابنى البيت
واسكن فيكى يا ارضى
وادافع تانى على عرضى
سعتها هكون راجل عتره
واجنى فواكه الشجره
واعمل للضريح قبه
تكون الماظ على فضه
بقلم
عمرو تمساح ابوسفيان
اسيبك بس هارجعلك
ردحذفوهابنى البيت
واسكن فيكى يا ارضى
وادافع تانى على عرضى
سعتها هكون راجل عتره
واجنى فواكه الشجره
واعمل للضريح قبه
تكون الماظ على فضه
الشاعر القدير
Amr Temsah Abo Sofian
ما أجمل النهايات
عندما تعصف
حروف الياس بـ الكلمات
لتختتم بـ الرجوع والقوة يا رجل ياعترة
ما أروع كلماتك
تواجد وإحساس مميز
وقلم يتفوق
بأحرف التألق
ما حرمنا الله من إطلالتك
دمت بكل خير
تحيتي لك
خالد العطار